Kamal ki baat hai na ek time tha jab bank me jakar line me lagkar apne banking ke sare kam karne padte the our aaj ghar baithe sare banking ke kaam chutki bajate hi ho jate hai. Bas jarurat hai hame aur aapko badalte hue samay me banking ke kaamo ko online kasie kiye jata hai ye sikhte rahne ki. Waise jo bhi person is website ke saath jude hue hai wo hamesa updated hi rahte hai aaj se aap bhi inme saamil ho gaye. Isi kadi me ham aaj aapko Bandhan Bank atm pin generation and activation process ko online ghar baithe apne mobile me kaise karte hai iska complete process batane jaa rahe hai.
Agar aap bhi abhi agle 2-5 minutes me bandhan bank atm pin generate karne ka online process jaanna chahte hai to aage is post ko padhte rahiye.
Inhe Bhi Jaane:-
- Bank Account Transfer Application Kaise Likhe? In Hindi and English
- ATM Card Expire Ho Gaya, New ATM Card Kaise Milega?
Bandhan Bank Debit Card PIN Generation Online Process Ke Liye Jaruri Information.
Is process ke liye sabse pahle neeche bataye hue kuch chijo ko apne paas jama kar le.
- Bandhan bank mobile banking app “mBandhan”
- Aapka bandhan bank atm card/ debit card
Agar aapne abhi tak bandhan bank mobile banking registration ya mBandhan registration nahi kiya hai to iska jaankari yaha click karke le sakte hai.
Bandhan Bank ATM PIN Generation Online Process Kaise Kare?
Ab aap bilkul taiyar hai yah process bahut hi aasaan hai, bas aap neeche ke steps ko follow karte jaiye.
STEP 1
Sabse pahle aap apne smart phone me bandhan bank mobile banking app “mBandhan” ko open kare. Ab apna mobile banking login password or mpin enter karke login kar le.
STEP 2
Abhi aapko iske home page me kai tarah ke options dikhenge. Inme se “Services” ko click kare.
STEP 3
Again screen me kai tarah ke options aa jayenge. Abhi inme se “Regenerate ATM PIN” ke option ko click kare.
STEP 4
Ab jo page khulega isme aapko apna bandhan bank atm card ya debit card se related information fill up karna padega.
- Sabse upar apna 16 digit atm card number enter kare.
- Ab usi card ka “Expiry Month” enter kare.
- Fir usi card ka “Expiry Year” enter kar de.
Sare information fill ho jane ke baad isi page ke “NEXT” option ko click kare.
STEP 5
Is page me aapko apna bandhan bank new atm pin generation karne ka option mil jayega.
Sabse pahle aap soch le ki apne card ke liye ek 4 digit new pin kya rakhna hai iske baad is page ke details fill up karna start kare.
- Aapne jo new atm pin socha hai isko “New ATM PIN” wale box me enter kar le.
- Isi same new pin ko iske niche ke “Confirm ATM PIN” wale box me enter kar de.
- Aapka mbandhan app ka jo “Transaction PIN” hai usko yaha bhar de.
Ye saare details daalne ke baad isi screen ke “Submit” button ko select kare.
STEP 6
Isi ke saath agar aapne process ko sahi se follow kiya hoga aur sare information sahi-sahi enter kiya hoga to turant “Regenerate ATM PIN Success” wala message screen par aa jayega.
Jis tarah se bola jata hai ki –
“Jiske paas dhairya (Patience) hai use uska phal jarur milta hai”
Isi tarah aapko bhi ab phal mil jayega aur aapka bandhan bank atm pin generation and activation online process complete ho jayega.
Isi ke saath ab aap jo “New ATM PIN” abhi-abhi bana chuke hai isse apne atm card se kisi bhi tarah ka transaction karna start kar sakte hai jaise- ATM transaction, pos transation and online transation.
- New ATM Card Activate Kaise Kare? Complete Process
- Bandhan Bank Mobile Number Register / Change Kaise Kare? Easy Process
Hame ummid hai ye jaankar aapko jankar khusi hui hogi. Aur hame yah jankar khushi hai ki aap Bandhan Bank ATM pin Generation online process sikh chuke hai.
Agar aap banking ko aasaan banane wale videos dekhna chahte hai to YouTube Channel “Explain Me Banking” me visit kar sakte hai.
Is post ko pura padhne ke liye aapka bahut-bahut Dhanyawad.
Leave a Reply